FLASH
Shkruar nga Pamfleti
Identifikohen viktima dhe autori i ngjarjes...
Një 61-vjeçar është vrarë me armë e zjarri në Shkodër.
Ngjarja ka ndodhur pak më parë në fshatin Abat, në rrethana ende të paqarta. Viktima është identifikuar si Piro Prroni, 61-vjeç.
Po ashtu është idetifikuar dhe autori, shtetasi me inicialet N.M, i cili është shpallur në kërkim.
"Rreth orës 20:00, në fshatin Abat, Shalë, shtetasi N. M., në rrethana ende të paqarta, dyshohet se ka vrarë me armë zjarri shtetasin P. P., 61 vjeç. Shërbimet e Policisë janë nisur menjëherë për në fshatin Abat, për të bërë të mundur kapjen e autorit.
Ndërkohë, është ngritur një grup i posaçëm hetimor, për sqarimin e rrethanave dhe dokumentimin ligjor të ngjarjes", njofton policia.
Deri më tani mbeten mister arsyet e krimit, teksa po hetohet nëse ka pasur konflikt mes tyre, pasi ka dyshime se viktima dhe autori janë të afërm me njëri-tjetrin.
Forca të shumta policie kanë zbarkuar në fshatin Abat dhje janë vënë në kërkim të autorit, teksa po kontaktohet me familjarët e tij dhe të viktimës për të mësuar më shumë rreth rrethanave të krimit.
Lini një Përgjigje