FLASH
Shkruar nga Pamfleti
Presidenti i CONMEBOL-it, Alehandro Dominguez, ka bërë një deklaratë që ka shkaktuar shumë diskutime në botën e futbollit, duke lënë të kuptohet se Kupa e Botës 2030 mund të zhvillohet me 64 kombëtare pjesëmarrëse.
Edhe pse vendimi ende nuk është konfirmuar zyrtarisht nga FIFA, ideja e zgjerimit të turneut për edicionin special të 100-vjetorit ka hapur menjëherë debat mes drejtuesve të futbollit dhe tifozëve në mbarë botën.
“Kupa e ardhshme e Botës do të luhet në shtëpi! Në vitin 2030, Botërori vjen në Argjentinë, Uruguai dhe Paraguai. Një mundësi e madhe për futbollin për të festuar 100-vjetorin e Kupës së Botës: një kompeticion me 64 ekipe”, shkroi Dominguez.
Pas përfundimit të edicionit të 23-të të Kupës së Botës, ku Spanja siguroi trofeun e dytë në histori, tashmë vëmendja është zhvendosur te turneu i vitit 2030, i cili do të ketë një rëndësi të veçantë për shkak të përvjetorit të një shekulli nga zhvillimi i Botërorit të parë.
Formula me 48 skuadra, e përdorur për herë të parë në këtë edicion të Kupës së Botës, ka bërë që FIFA të shqyrtojë mundësi të reja për zgjerimin e mëtejshëm të kompeticionit. Një prej propozimeve është rritja e numrit të pjesëmarrësve në 64 ekipe për edicionin e vitit 2030.
Vendimi përfundimtar pritet të merret nga FIFA, por ideja e një Botërori me 64 kombëtare ka nisur tashmë të marrë vëmendje të madhe në prag të edicionit historik të vitit 2030.
Lini një Përgjigje