FLASH
Shkruar nga Pamfleti
Lamin Jamal ka rrëfyer emocionet e veçanta që përjetoi pas finales së Kupës së Botës 2026, ku Spanja triumfoi ndaj Argjentinës me rezultatin 1-0 pas kohës shtesë.
Golin vendimtar e realizoi Ferran Torres në minutën e 106-të, duke i siguruar Spanjës titullin kampion bote. Menjëherë pas përfundimit të ndeshjes, kamerat kapën momentin kur Lionel Mesi përqafoi Jamalin, një skenë që u interpretua nga shumë si simbol i kalimit të stafetës nga legjenda argjentinase te talenti i ri spanjoll.
Duke folur për mediat spanjolle, 19-vjeçari tregoi se fillimisht ishte ai që iu afrua Mesit për t’i shprehur respektin.
“Ai është lojtari më i madh në histori dhe dikush që e kam admiruar gjithmonë. Pas ndeshjes doja t’i tregoja respektin tim.”
Më pas, Jamal zbuloi edhe mesazhin që mori nga fituesi i tetë Topave të Artë.
“Më tha të vazhdoj rrugën time dhe se e ardhmja i përket brezit tonë. Ato fjalë vlejnë po aq sa medalja e artë që kam në qafë.”
Futbollisti i ri i Spanjës pranoi se ende e ka të vështirë ta besojë atë që ka përjetuar.
“Nëse dikush do të më kishte thënë disa vite më parë se do të ngrija Kupën e Botës pasi të luaja kundër Lionel Mesit, do ta kisha quajtur të çmendur.”
Takimi mes Mesit dhe Jamalit u kthye në një nga momentet më të veçanta të finales së Botërorit 2026, duke simbolizuar respektin dhe lidhjen mes dy brezave të futbollit botëror.
Lamine Yamal & Messi à la Fin du match ????❤️???? pic.twitter.com/sATclN5WE1
— ???????????????????? ???????????????????????? ???? (@Yamalgalaxy_19) July 19, 2026
Lini një Përgjigje