FLASH
Shkruar nga Pamfleti
Zbardhen detaje të reja nga atentati ndaj 34-vjeçarit shqiptar, Renis Fejzolli, i cili u qëllua me 3 plumba në orët e para të mëngjesit më 2 shkurt, në Athinë.
Mediat greke raportojnë se për atentatin ndaj Fejzollit, akuzohen tre persona, dy 20-vjeçarë dhe një 18-vjeçar.
Policia greke ka shpallur në kërkim Marios Tralo, 20 vjeç nga Durrësi, Anastasios Dushku, 18 vjeç dhe Dhimitrios Zisis, 20 vjeç.
Mësohet se ka qenë Tralo ai që ka shtënë me armë zjarri ndaj Fejzollit dhe pas ngjarjes është arratisur në Shqipëri e më pas në Angli, pasi kishte mosmarrëveshje personale dhe financiare me 34-vjeçarin.
Ai i është afruar 34-vjeçarit teksa drejtonte automjetin dhe e ka qëlluar vazhdimisht me armë.
Më pas, autorët janë larguar ndërsa 34-vjeçari ka takuar një makinë patrulle policie dhe pasi efektivët e policisë i kanë dhënë ndihmën e parë, e kanë dërguar në spital, ku i është dhënë mjekimi.
Në kuadër të hetimeve të kryera, më datë 15 shkurt në një zonë të Athinës u gjet një makinë e një 20-vjeçari dhe brenda saj u gjet dhe u sekuestrua një pistoletë me karikator që përmbante 2 gëzhoja.
Të pandehurit kanë qenë të përfshirë në të kaluarën në një sërë krimesh.
Lini një Përgjigje