FLASH
Shkruar nga Pamfleti
2 vëllezër janë arrestuar në flagrancë, në aksin rrugor “Laç-Mamurras” pasi u kapën duke ransportuar mbi 8 kg Cannabis Sativa.
Në kuadër të operacionit “Mbikalimi”, u arrestuan dy vëllezërit Simon Vuka dhe Gezim Vuka.
Sekuestrohen lënda narkotike, shuma parash në lekë dhe në euro, si dhe 2 celularë.
"Si rezultat i administrimit të menjëhershëm të informacioneve të siguruara nga inteligjenca policore, se 2 shtetas transportonin lëndë narkotike, Seksioni për Hetimin e Narkotikëve i DVP Lezhë, në bashkëpunim me Forcën e Posaçme “Shqiponja” dhe me Seksionin e Mbështetjes Operacionale të Hetimit, kanë finalizuar operacionin policor të koduar “Mbikalimi”.
Gjatë operacionit janë arrestuar në flagrancë shtetasit S. V., 36 vjeç dhe G. V. 26 vjeç, vëllezër, të dy banues në Kurbin. Ata janë kapur në aksin rrugor “Laç-Mamurras”, teksa transportonin rreth 8.2 kg Cannabis Sativa, me qëllim shitjen.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme."-njofton policia.
Lini një Përgjigje