FLASH
Shkruar nga Pamfleti
Një nga tre personat e shpallur në kërkim për atentatin e organizuar në Berat ka rënë në prangat e policisë mbrëmjen e sotme.
Burime për mediat bëjnë me dije se bëhet fjalë për Arli Shehun. 30-vjeçari së bashku me shtetasin Hamit Berisha, 55-vjeç nga Kosova dhe Ermal Gora, 43-vjeç nga Tirana, kishin planifikuar një atentat në Berat, por nuk dihet ende se kush ishte “preja” e tyre.
Të gjendur nën presionin e policisë ata kanë fshehur automjetin në fshatin Moravë.
Sakaq, brenda në automjet policia gjeti edhe të gjitha mjetet që do përdoreshin për kryerjen e krimit, ndërkohë që tre autorët e shpallur në kërkim, duke përfituar nga errësira u larguan drejt zonave të pyllëzuara.
Nga kontrolli në banesën e njërit prej personave të shpallur në kërkim, konkretisht në banesën e Gorës, u gjetën dhe u sekuestruan në cilësinë e provës materiale, 2 radio marrëse-dhënëse, dylbi, dorashka dhe lëndë djegëse.
Lini një Përgjigje