FLASH
Shkruar nga Pamfleti
Detaje të reja janë zbardhur në lidhje me plagosjen me armë zjarri të një 15-vjeçari mbrëmjen e djeshme në kryeqytet.
I mituri është paraqitur në spitalin e Traumës rreth orës 20:30 të mbrëmjes. Ngjarja raportohet te ketë ndodhur në Fushë-Mëzez, ndërsa ka qenë babai i tij që e ka transportuar drejt spitalit.
I pyetur nga grupi hetimor, 15 vjeçari ka refuzuar të tregojë se kush e ka plagosur apo rrethanat e konfliktit.
Në pyetje është marrë edhe babai i djalit, i cili ka deklaruar se nuk ka dijeni për ngjarjen, por ka dëgjuar të shtënat me armë. I mituri i është nënshtruar një ndërhyrje kirurgjikale nga plumbi që ka marrë në kraharor dhe ndodhet jashtë rrezikut për jetën.
Ndërkohë punonjësit e Policisë së bashku me grupin hetimor po punojnë për sqarimin e rrethanave dhe kapjen e autorit.
Lini një Përgjigje