FLASH
Shkruar nga Pamfleti
Një 35-vjeçar nga Kurbini ka mbetur i plagosur me armë zjarri dhe është paraqitur për mjekim në Spitalin e Traumës në Tiranë.
I plagosur është i riu Akil Tahiri nga Fuqë Kuqja.
Sipas informacioneve paraprake, i riu ka marrë ndihmë mjekësore, ndërsa menjëherë janë njoftuar shërbimet e policisë për zbardhjen e rrethanave të ngjarjes.
Ende nuk dihen detaje mbi vendin dhe motivet e plagosjes.
Grupi hetimor po punon për sqarimin e plotë të incidentit dhe identifikimin e personave të përfshirë.
"Në Spitalin e Traumës, Tiranë, rreth orës 11:15, ka shkuar për ndihmë mjekësore, i dyshuar i plagosur me armë zjarri në këmbë, në rrethana ende të paqarta në Fushë-Kuqe, Kurbin, shtetasi A. T., 35 vjeç, banues në fshatin Fushë-Kuqe, i cili aktualisht është jashtë rrezikut për jetën.
Grupi hetimor, në drejtimin e Prokurorisë, po punon për sqarimin e rrethanave të ngjarjes, identifikimin dhe kapjen e autorit/ve.", njofton policia.
Lini një Përgjigje