FLASH
Shkruar nga Pamfleti
Një ditë pas aksidenti tragjik në Tiranë ku humbën jetën 3 të rinj, sot janë përgjakur sërish rrugët e vendit. Gjatë ditës së sotme kanë ndodhur disa aksidente dhe këtë pasdite është shënuar viktima e tretë. Më herët humbën jetën dy perona në Kavajë dhe në Durrës, ndërsa këtë herë një makinë ka përplasur për vdekje një këmbësor në aksin Korçë-Maliq.
Ngjarja e rëndë ndodhi në vendin e quajtur Lumalas, ku drejtuesi i automjetit u largua nga vendi i ngjarjes pas aksidentit.
Mesditën e sotme një 30-vjeçare humbi jetën në Kavajë, ndërsa një 58-vjeçar ka ndërruar jetën në Durrës.
30-vjeçarja, Rovena Cara ka qenë duke udhëtuar me mjetin e saj dhe dyshohet se për shkak të shpejtësisë ka humbur kontrollin. Mjeti ka dalë nga rruga dhe ka përfunduar në një kanal, ndërsa 30-vjeçarja nuk mundi t’i mbijetojë plagëve të marra.
Ndërkohë, 58-vjeçari ka gjetur vdekjen teksa po udhëtonte me biçikletë, pasi u përplas nga një betoniere. Drejtuesi i betonieres, Petrit Pashaj është shoqëruar në komisariat.
Lini një Përgjigje