FLASH
Shkruar nga Pamfleti
Burime bëjnë me dije se Kuçi mbante detyrën e shefit të seksionit të Policisë Shkencore në Drejtorinë Vendore të Policisë Kukës.
Detaje të reja janë zbardhur lidhur me operacionin e zhvilluar gjatë ditës së sotme në zonën e Ujit të Ftohtë në Vlorë.
Sipas gazetares Klodiana Lala, në pranga është vënë punonjësi i policisë Rezart Kuçi. Ai dyshohet për veprat penale “Shpërdorim detyre”, “Trafik i lëndëve narkotike” dhe “Pjesëmarrje në grup të strukturuar kriminal”.
Burime bëjnë me dije se Kuçi mbante detyrën e shefit të seksionit të Policisë Shkencore në Drejtorinë Vendore të Policisë Kukës.
Më herët, ai ka ushtruar edhe funksionin e zëvendësshefit të komisariatit dhe shefit për Hetimin e Krimeve në Komisariatin e Policisë Nr. 1.
Operacioni i SPAK në Vlorë, është zhvilluar pas zbardhjes së një ngjarjeje të rëndë kriminale, konkretisht një vrasjeje, e cila dyshohet se ka çuar në identifikimin e personave të përfshirë.
Raportohet gjithashtu se SPAK ka zbardhur ekzekutimin e Gentian Qarrit, ngjarje e ndodhur në vitin 2021. Ndërkohë janë lëshuar urdhër arreste edhe për Ines Hajrulla dhe Ervis Hajrullah.
Burime nga policia e Vlorës bëjnë me dije se prej kohësh eksponentë të dyshuar kriminal janë mbajtur nën vëzhgim. Policia ka ndërhyrë sot në zonën e Ujit të Ftohtë ku është rrethuar një perimetër i gjerë i sigurisë.
Gjatë aksionit u kontrolluan banesat, si edhe persona të dyshuar për precedentë kriminalë. Sipas burimeve dyshohet se janë lëshuar 7 urrdhërarreste.
Aksioni është bërë nga forcat RENEA dhe SPAK dhe më pas është lajmëruar policia e Vlorës për mbështetje. Po ashtu, prezente ishte edhe Byroja Kombëtare e Hetimit (BKH).
Lini një Përgjigje