FLASH
Shkruar nga Pamfleti
2 shtetas shqiptarë të shpallur në kërkim ndërkombëtar janë ekstraduar sot, njëri në Shqipëri dhe tjetri në Itali.
Rreth një muaj pas atentatit që iu bë Selami Brahimit në Shkodër, autori i dyshuar është ekstraduar nga Gjermania. Bëhet fjalë për 68-vjeçarin Sulejman Kapllani, ekstradimi i të cilit u finalizua sot pas arrestimit në Gjermani.
Selami Brahimi, njihet si shok dhe mik i afërt i Sokol Licit në Shkodër, ngjarja besohet se nuk ka lidhje për shkak të rrethit shoqëror, por pista e hetimeve është përqëndruar në një konflikt familjar.
Autori i krimit 68-vjeçari, Sulejman Kapllani u arrestua në Gjermani. Kapllani dhe Brahimi janë komshinj me njëri-tjetrin dhe mbi të gjitha sipas burimeve të policisë së Shkodrës, ata kanë lidhje krushqie. Kjo pasi Brahimi ka marrë për grua mbesën e autorit të krimit, Sulejman Kapllani.
“Ekstradohet nga Gjermania, 68-vjeçari që tentoi të vriste një shtetas, më datë 08.02.2024.
Ekstradohet drejt Italisë, një shtetas i akuzuar nga autoritetet italiane, si pjesëtar i një grupi kriminal për trafikimin e narkotikëve.
Si rezultat i shkëmbimit të vazhdueshëm të informacioneve, ndërmjet Interpol Tiranës dhe homologëve, me qëllim lokalizimin, kapjen dhe ekstradimin e shtetasve në kërkim ndërkombëtar, janë ekstraduar 2 shtetas të shpallur në kërkim ndërkombëtar, konkretisht:
Si rezultat i bashkëpunimit me Interpol Ëiesbaden, Gjermani, është ekstraduar nga Gjermania drejt Shqipërisë, shtetasi shqiptar: K., 68 vjeç, banues në Shkodër. Ky shtetas ishte shpallur në kërkim ndërkombëtar pasi Gjykata e Shkallës së Parë e Juridiksionit të Përgjithshëm Shkodër, me vendimin e datës 11.02.2024, i ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë dhe “Prodhimi dhe mbajtja pa leje e armëve, armëve shpërthyese dhe e municionit”. Shtetasi S. K. akuzohet se më datë 08.02.2024, në lagjen “Salo Halili”, Shkodër, ka tentuar të vrasë me armë zjarri, shtetasin S. B. Shtetasi S. K. është lokalizuar dhe kapur në Gjermani, si rezultat i operacionit të përbashkët, të koduar “Koordinimi”.
Si rezultat i bashkëpunimit me Interpol Romën, është ekstraduar nga Shqipëria drejt Italisë, shtetasi shqiptar:
H., 29 vjeç. Ky shtetas ishte shpallur në kërkim ndërkombëtar pasi Gjykata e Torinos, Itali, me vendimin e datës 09.02.2023, i ka caktuar masën e sigurisë “Arrest në burg”, për veprat penale “Trafikimi i lëndëve narkotike” dhe “Grupi kriminal”, të parashikuara nga Kodi Penal i Italisë.
Shtetasi G. H. është lokalizuar dhe kapur në Durrës, më datë 07.11.2023, gjatë operacionit policor të koduar “Vendndodhja”, i zhvilluar nga Seksioni për Hetimin e Narkotikëve i DVP Durrës, në bashkëpunim me Drejtorinë e Forcës së Posaçme Operacionale të Policisë së Shtetit”, njofton policia.
Lini një Përgjigje