FLASH
Shkruar nga Pamfleti
Asnjëri prej të arrestuarve nga policia për vrasjen e Gentian Bejtjas nuk ka pranuar të bashkëpunojnë me hetuesit. Ata nuk kanë pranuar të japin detaje të personave të tjerë të përfshirë.
Makina e autorëve pasi është identifikuar nga kamerat e sigurisë është gjurmuar nga hetuesit në afërsi të zonës së Lundrës në një lavazh, ku Edison Haxhiu e ka dërguar për t’u larë në mënyrë që hë fshinin gjurmët, por është ndërhyrë menjëherë nga policia dhe është arrestuar.
Ishte analizimi i kamerave të sigurisë që bëri të mundur identifikimin e kësaj makine, që rezultoi në pronësi të të arrestuarit Edison Haxhiu e që përdorej edhe nga Ilir Brahimi. Policia thotë se fillimisht shoqëroi pronarin e makinës, e më pas Ilir Brahimin.
Nga kontrolli në shtëpinë e këtij të fundit, policia gjeti dy armë zjarri, fishekë, radiomarrëse, si dhe një pasaportë e kartë identiteti me shtetësi kosovare.
Në atentatin ndaj 42-vjeçarit Gentjan Bejtja dyshohet se morën pjesë 4 persona. Në një intervistë për gazetarin Spartak Koka, babai i viktimës tha se dy prej tyre hapën zjarr në drejtim të të birit. Njëri kërcënoi gruan dhe fëmijët e 42-vjeçarit ndërsa i katërti priti tek porta.
Lini një Përgjigje