FLASH
Shkruar nga Pamfleti
Ditën e sotme është zhvilluar një operacion i madh antidrogë në Athinë të Greqisë, ku është goditur një rrjet i trafikut të drogës.
Bëhet fjalë për një organizatë greko-shqiptare, që kryente aktivitetin e saj në Kampusin Universitar.
Media greke informon se janë 4 të arrestuar, mes tyre 2 shqiptarë deri tani. Gjithashtu u sekuestruan sasi të mëdha droge dhe parash.
“Aksioni policor nga Nëndrejtoria e Hetimit dhe Ndjekjes Penale të Krimit në Athinë (D.D.EEA/G.A.D.A.) ka filluar që nga mëngjesi i së premtes, për të shkatërruar një organizatë kriminale aktive në trafikun e drogës brenda Kampusit të Universitetit Zografou”, njoftuan autoritetet greke.
Deri më tani janë arrestuar 4 anëtarë të organizatës kriminale, dy grekë dhe dy shqiptarë, të cilët banonin në konviktet studentore të universitetit, ndërsa u sekuestruan sasi kanabisi dhe shuma parash që tejkalonin 20,000 euro.
Sipas informacioneve, trafiku i drogës kryhej në zonën përreth Kampusit të Universitetit Zografou dhe aksioni është ende në proces dhe sipër.
Lini një Përgjigje