FLASH
Shkruar nga Pamfleti
Zbardhen detaje nga aksidenti në aksin Peqin-Elbasan, ku një kamion u tha se doli nga rruga. Sipas policisë kemi të bëjmë me një aksident të trefishtë dhe si pasojë një person ka mbetur i lënduar.
Policia bën me dije se dy automjete dhe një kamion janë përplasur me njëri-tjetrin. I plagosuri është shoferi i një prej automjeteve. Ai është dërguar drejt Spitalit të Traumës në Tiranë.
“Në aksin rrugor “Elbasan-Peqin”, janë përplasur automjeti tip “Audi” me drejtues shtetasin L. H., kamioni me drejtues shtetasin A. K., dhe automjeti tip “Benz”, me drejtues shtetasin E. P.. Si pasojë e përplasjes është dëmtuar drejtuesi i automjetit tip “Benz”, shtetasi E. P., i cili është transportuar në spital për ndihmë mjekësore. Grupi hetimor vijon veprimet në vendngjarje për përcaktimin e rrethanave dhe shkaqeve të aksidentit”, njofton policia.
Lini një Përgjigje