FLASH
Shkruar nga Pamfleti
Sokol Mjacaj ka pranuar të bashkëpunojë me hetuesit dhe është në proces për t’u penduar dhe bërë bashkëpunëtor i drejtësisë.
Mjacaj pritet t’u rrëfejë hetuesve motive që e shtynë për kryerjen e vrasjes së Arben Lleshi në ambientet e burgut të Peqinit.
Ai pritet të zbulojë nëse vrasje është kryer me porosi nga jashtë burgut dhe kush janë personat që e kanë paguar për eliminimin e objektivit.
Kujtojmë se më herët këtë të enjte Gjykata e Apelit liroi nga paraburgimi drejtorin e burgut të Peqinit Kamber Hoxha dhe 10 punonjës së këtij institucioni.
Arrestimet e tyre u kryen pas dyshimeve se arma e përdorur nga i dënuari me burgim të përjetshëm Sokol Mjaçaj, me të cilën kreu ekzekutimin, mund të jetë futur dorazi në ambientet e burgut në bashkëpunim me punonjës të policisë.
Armën e krimit autori tha se e ka siguruar rreth 1 muaj e gjysmë më parë, kohë kur skaneri mund të ketë qenë i prishur.
Fillimisht u aluadua se arma u fut me anë të një droni, por duket se hetuesit e kanë rrëzuar si pistë.
Megjithatë Mjaçaj vuan dënimin me burgim të përjetshëm pasi në korrik të vitit 2015 në fshatin Prekal të Dukagjinit grabiti dhe vrau dy turistë çekë.
Ndërsa viktima Arben Lleshi ishte i dënuar me 32 vite burg për një vrasje të kryer në Britaninë e Madhe. I plagosur si pasojë e këtij konflikti mbeti edhe i dënuari tjetër Indrit Shaqe.
Për regjimin 41-bis, 28-vjeçari Mjacaj thotë se ka dëgjuar nga të burgosurit e tjerë, të cilët i kanë shprehur se “qenke i rrezikshëm ti Sokol dhe do të fusin në izolim”.
Sokol Mjacaj është pyetur më parë edhe për porosinë që dyshohet se ka marrë nga jashtë për të kryer vrasjen por ka mbajtur të njëjtin qëndrim se e vrau për sherrin që kanë patur brenda burgut.
Ai qëlloi 5 herë me pistoletën me mulli, dhe 4 prej plumbave i mori Arben LLeshi, në qafe dhe gjoks, ndërsa i plagosur Indrit Shaqja mori një plumb në pjesën e barkut, dhe ndodhet jashtë rrezikut për jetën.
Pasi ka vrarë Arben Lleshin, disa të burgosur të tjerë e kanë ndjekur Mjacajn dhe kanë tentuar ta ndalojnë por i ka kërcënuar se do t’i vriste dhe ata dhe më pas është mbyllur tek dhoma e takimeve.
Ai nuk ka patur më plumba por i ka kërcënuar se nëse do e ndiqnin do t’i vriste.
Lini një Përgjigje