FLASH
Shkruar nga Pamfleti
Agjencia e Mbikëqyrjes Policore (AMP) ka arrestuar përgjegjësin e doganës së Kakavijës, doganierin e kontrollit fizik dhe shpalli në kërkim një tjetër punonjës i doganës pasi akuzohen për korrupsion dhe shpërdorim detyre.
Dyshohet se doganierë dhe efektivë policie ishin të përfshirë në skema korruptive në lidhje me procedurat e parregullta të zhdoganimit duke përfituar shuma parash.
Gjatë operacionit të nisur prej mëngjesit të së shtunës e deri në orët e para të së dielës nga AMP, janë konstatuar 1 trailer, 4 kamiona të tonazhit të rëndë si dhe mjete të tjera të mbushura me mallra që kaluan pikën kufitare pa kryer kontrolle si dhe duke i shmangur pagesave të zhdoganimit.
Ndërkohë, vijojnë hetimet për të zbardhur edhe nëse ka zyrtarë të tjerë të përfshirë në këtë skemë korrupsioni.
Lini një Përgjigje