FLASH
Shkruar nga Pamfleti
Një 56-vjeçar shqiptar është arrestuar nga policia italiane nën akuzën ‘posedim droge me qëllim shpërndarje’.
Oficerët e komisariatit të Bolonjës gjetën në bodrumin e përdorur nga shqiptari rreth 800 gramë kokainë dhe rreth 4 mijë euro.
Kontrolli në shtëpinë e 56-vjeçarit u bë pasi shqiptari u vërejt duke shkëmbyer drogë. Konkretisht, rreth orës 11:30 në via Pizzardi, patrullat e komisariatit të Bolonjës me rroba civile kanë vënë re shkëmbimin e disa thaseve me lëndë narkotike mes shqiptarit dhe një italiani, i cili në këmbim i ka dhënë 100 euro.
Dy personat u ndaluan menjëherë nga policia, të cilët gjetën në xhepat e shqiptarit disa mbështjellje kokainë gjithsej 17.30 g dhe 470 euro para të gatshme.
Nisur nga kjo, oficerët e shtrinë kontrollin në banesën e shqiptarit, duke gjetur në një bodrum të pashfrytëzuar qese të tjera kokaine me një total prej 782 gramësh dhe rreth 3630 euro cash.
Ndërkohë që 59-vjeçari italian u sanksionua administrativisht për blerjen e një doze kokaine.
Lini një Përgjigje