FLASH
Shkruar nga Pamfleti
Policia ka dhënë detaje lidhur mjetin tip “Porsche” i gjetur në fshatin Zgafnor, në Zall-Herr dhe që dyshohet se është përdorur nga autori/ët e atentati të ndodhur në Kamëz.
Efektivët shprehen se kanë gjetur një mjet të djegur tip Porsche, i dyshuar se është përdorur në krimin e rëndë.
Nga këqyrja e automjetit, në brendësi të tij, është gjetur një armë e gjatë zjarri, e dyshuar si arma e përdorur nga autori/ët. Gjatë verifikimeve për targat e automjetit ka rezultuar se targat janë të vjedhura që në muajin Prill 2023, në Kamëz.
“Në vijim të informacionit paraprak të dhënë më parë për vrasjen e shtetasit L.V., ju informojmë se:
Në fshatin Zgafnor, në Zall-Herr, gjatë kontrollit të territorit nga shërbimet e Policisë është konstatuar i djegur një automjet tip “Porsche” i dyshuar i përdorur nga autori/ët e ngjarjes.
Nga këqyrja e automjetit, në brendësi të tij, është gjetur një armë e gjatë zjarri, e dyshuar si arma e përdorur nga autori/ët.
Gjatë verifikimeve për targat e automjetit ka rezultuar se targat janë të vjedhura që në muajin Prill 2023, në Kamëz.
Vijon puna intensive nga grupi i posaçëm hetimor për identifikimin dhe kapjen e autorit/ve si dhe për sqarimin e rrethanave dhe dokumentimin ligjor të ngjarjes”, njofton policia.
Lini një Përgjigje