FLASH
Shkruar nga Pamfleti
Policia gjermane arrestoi dy shqiptarë në pikën kufitare Altenheim në Gjermani, teksa tentonin të hynin në territorin e këtij shteti.
Në automjet ndodheshin dy persona, njëri prej të cilëve 33 vjeç, i cili tentoi të largohet me vrap, por u kap disa çaste më vonë.
Gjatë kontrollit të të dhënave të tij personale, u zbulua se 33-vjeçari kërkohej me urdhër arresti ndërkombëtar nga autoritetet suedeze për 15 akuza për vjedhje.
Gjithashtu, kishte edhe një urdhër arresti kombëtar për vjedhje, sipas të cilit 33-vjeçari duhet të vuajë 122 ditë burg.
Aktualisht Policia Federale supozon se 33-vjeçari dhe një 36-vjeçar, edhe ky shtetas shqiptar, kanë hyrë në territorin federal për të kryer vepra penale të vjedhjes.
33-vjeçari u dërgua në një institucion korrektues për të vuajtur pjesën e mbetur të dënimit me burg dhe më pas do t’i dorëzohet autoriteteve suedeze. Gjithashtu, ai do të akuzohet edhe për hyrje të paligjshme, vijon deklarata.
Shoferit 36-vjeçar iu dha një ndalim për 5 vjet hyrje dhe qëndrim dhe po ashtu përballet me akuzën e ndihmës dhe nxitjes së hyrjes së paligjshme.
Më pas ai iu dorëzua autoriteteve franceze.
Lini një Përgjigje