FLASH
Shkruar nga Pamfleti
Policia e Tiranës ka dhënë detaje lidhur ngjarjen e ndodhur në Rinas ku një 34-vjeçar ka qëlluar me armë zjarri ndaj forcave të policisë.
Mësohet se policia ka marrë informacion për një shtetas i cili mbante armë zjarri në subjektin e tij dhe ka organizuar punën për arrestimin e tij. Në momentin që efektivët janë paraqitur pranë biznesit privat të 34-vjeçarit Klajdi Buza, ky i fundit ka qëlluar me armë në drejtim të efektivëve.
Fatmirësisht nuk ka pasur të lënduar nga të shtënat. Më pas shërbimet e Policisë kanë bërë të mundur neutralizimin e tij dhe shoqërimin për në ambientet DVP Tiranë. Ndërkohë që në cilësinë e provës materiale u sekuestrua arma e zjarrit dhe municion luftarak.
“Qëlloi drejt Punonjësve të Policisë, gjatë një aksioni policor për kapjen e tij, vihet në pranga 34-vjeçari. 34-vjeçari me precendent kriminal në fushën e armëmbajtjes pa leje. Sekuestrohen arma e zjarrit dhe municion luftarak.
Shërbimet e Forcës Operacionale të DVP Tiranë pasi kanë marrë informacion për një shtetas i cili mbante armë zjarri në subjektin e tij kanë organizuar punën me qëllim kapjen dhe vënien përpara përgjegjësisë ligjore.
Gjatë ndalimit të shërbimeve të Policisë në subjektin e tij privat në Rinas, shtetasi i identifikuar me inicialet K. B, ka qëlluar në drejtim të Policisë nga brenda subjektit të tij.
Nga të shtënat nuk ka patur të lënduar. Shërbimet e Policisë kanë bërë të mundur neutralizimin e tij dhe shoqërimin për në ambientet e DVP Tiranë.
Në përfundim të veprimeve specialistët për Hetimin e Krimeve të Rënda kanë bërë arrestimin e shtetasit K. B., 34 vjeç, banues në Tiranë.
Në cilësinë e provës materiale u sekuestrua arma e zjarrit dhe municion luftarak. Materialet i kaluan Prokurorisë, për veprime të mëtejshme procedurale”, njofton policia.
Lini një Përgjigje