FLASH
Shkruar nga Pamfleti
Kjo është makina në të cilën ndodhej Klaudio Prendi, 28-vjeçari i cili u vra me armë zjarri pak pas mesnatës në zonën e Xhamllikut në kryeqytet.
Sipas informacioneve, i riu sapo kishte dalë nga një lokal për të hyrë në makinën e tij, 'G- Class' ngjyrë gri, e cila është mbushur plot me vrima plumbash.
Dyshohet se 28 vjeçari është qëlluar me silenciator.
Një makinë e djegur është gjetur në Farkë që sipas policisë, është përdorur në atentatin ndaj Prendit. Sakaq, disa persona që ndodheshin në disa lokale në zonë në momentin e ngjarjes janë shoqëruar në polici.
Klaudio Prendi nuk është emer i panjohur, pasi më 6 maj 2023, ai ka qëlluar me armë në quytetin e Pukës.
Ai është djali i ish-gjyqtarit Fran Prendi, i cili u dorëhoq pasi filloi vetingu, por që njëherësh është krahu i djathtë i kandidatit të koalicionit Berisha-Meta, Rrok Dodaj.
Fillimisht u raportua se ai mbeti i plagosur dhe u transportua në Spitalin e Traumës, por më pas ka ndërruar jetë.
Ndërkohë rreth një orë pas ngjarjes së rëndë, policia ka gjetur një makinë të djegur me targa të huaja, që dyshohet se i përket autorëve të krimit.
Lini një Përgjigje