FLASH
Shkruar nga Pamfleti
Ngjarja ndodhi pasi punonjësi i Policisë Bashkiake i vendosi masë administrative për parkim të gabuar
Një 43-vjeçar është arrestuar në flagrancë në Vlorë, pasi goditi një punonjës të Policisë Bashkiake gjatë ushtrimit të detyrës.
Sipas të dhënave zyrtare, specialistët e Seksionit për Hetimin e Krimeve në Komisariatin e Policisë Vlorë vunë në pranga shtetasin M. L., 43 vjeç, banues në Vlorë, për veprën penale “Goditja për shkak të detyrës”.
Ngjarja ndodhi rreth orës 10:55, në rrugën “Mitaq Salati”, në lagjen “15 Tetori”. Pas vendosjes së një mase administrative ndaj automjetit të tij për parkim të gabuar, 43-vjeçari ushtroi dhunë fizike ndaj punonjësit të Policisë Bashkiake Vlorë, S. N., 28 vjeç, banues në Vlorë.
Materialet procedurale i janë referuar Prokurorisë së Vlorës për vijimin e veprimeve ligjore.
Lini një Përgjigje