FLASH
Shkruar nga Pamfleti
Policia ka dalë me një njoftim zyrtar në lidhje me aksidentin në Pukë ku humbi jetën një person.
Sipas policisë, viktima i identifikuar si Geg Kola 34-vjeç ka humbur kontaktet me familjen e tij që prej mbrëmjes së djeshme. I riu ditën e djeshme kishte shkuar në fshatin Iballë dhe në mbrëmje kishte njoftuar familjen se po kthehej për në banesë.
Ndërkohë, sipas uniformave blu Geg Kola është gjetur i pajetë rreth 50 metra poshtë rrugës që të çon në lagjen Bullicë të fshatit Berishë Vendi.
"Pukë/Informacion paraprak. Mëngjesin e sotëm, familjarët e shtetasit G.K, 34 vjeç, banues në fshatin Berishë Vendi, kanë njoftuar Policinë se kishin humbur kontaktet me shtetasin G.K, që prej mbrëmjes së datës 28.09.2024.
34 vjeçari ditën e djeshme kishte shkuar në fshatin Iballë dhe në mbrëmje kishte njoftuar familjen se po kthehej për në banesë.
Gjatë kontrollit të rrugës paraditen e sotme, në vendin e quajtur “Laku i Qershisë”, në një rrugë dytësore që të çon në lagjen Bullicë të fshatit Berishë Vendi, rreth 50 metra poshtë rrugës është gjetur i pajetë shtetasi G.K.
Dyshohet se shtetasi G.K, duke u kthyer me automjet për në banesë, si pasojë e motit të keq ka humbur kontrollin mbi drejtimin e automjetit dhe automjeti ka dalë nga rruga.
Grupi hetimor nën drejtimin e Prokurorisë po punon për sqarimin e rrethanave dhe shkakut të aksidentit", njofton policia.
Lini një Përgjigje