FLASH
Shkruar nga Pamfleti
4 viktimat janë Enejdi Laçi 25 vjeç, Erildi Laçi 20 vjeç, Enrikejd Kurti 24 vjeç dhe Andi Laçi 22 vjeç.
Një aksident i rëndë ka ndodhur në aksin Fushë Krujë-Vorë, në Fushë-Prezë, pak para mesnatës.
Mësohet se një automjet është përplasur me një betoniere dhe si pasojë kanë humbur jetën 4 persona. Si pasojë e përplasjes së fortë, makina ka shpërthyer në flakë dhe 4 personat janë djegur brenda.
Raportohet se ngjarja ka ndodhur pak para mesnatës, ndërsa 4 viktimat janë të rinj. ‘Benzi’ ku udhëtonin 4 të rinjë ka goditur nga pas betonieren e cila ka qenë e parkuar.
Sipas policisë, automjeti drejtohej nga shtetasi Enejdi Laçi 25 vjeç dhe është përplasur me automjetin betoniere të drejtuar nga shtetasi Aleksandër Krrashi 24 vjeç, i cili pas aksidentit ishte larguar nga vendi i ngjarjes.
Si pasojë e përplasjes dhe flakëve kanë ndërruar jetë drejtuesi i automjetit Enejdi Laçi 25 vjeç dhe 3 pasagjerët në mjetin e tij Erildi Laçi 20 vjeç, Enrikejd Kurti 24 vjeç dhe Andi Laçi 22 vjeç.
Polcia ka arrestuar 24-vjeçarin Aleksandër Krrashi, shofer i betonieres i cili u largua nga vendi i ngjarjes.
Në vendin e ngjarjes kanë mbërritur edhe zjarrfikës nga Kamza por nuk është shmangur dot ngjarja fatale.
"Më datë 19.03.2025, rreth orës 23:50, në Fushë-Prezë, nga shërbimi i qarkullimit rrugor është konstatuar një automjet i cili kishte marrë flakë dhe para tij qëndronte një automjet betoniere.
Nga hetimet e kryera me qëllim zbardhjen e ngjarjes rezultoi se automjeti drejtohej nga shtetasi E. L., 25 vjeç dhe dyshohet se është përplasur me automjetin betoniere të drejtuar nga shtetasi A. K., 24 vjeç, i cili pas aksidentit ishte larguar nga vendi i ngjarjes.
Si pasojë e përplasjes dhe përfshirjes së automjetit nga flakët kanë ndërruar jetë drejtuesi i automjetit E. L., 25 vjeç dhe 3 pasagjerët në mjetin e tij E. L., 20 vjeç, E. K., 24 vjeç dhe A. L., 22 vjeç.
Në vijim të veprimeve u shoqërua për veprime të mëtejshme drejtuesi i automjetit betoniere shtetasi A. K, 24 vjeç. Nën drejtimin e Prokurorisë vijojnë hetimet me qëllimin dokumentimin e plotë të ngjarjes", njofton policia.
Lini një Përgjigje