FLASH
Shkruar nga Pamfleti
Një aksident me vdekje ka ndodhur mesnatën e kësaj të marte në Lezhë. Ngjarja u regjistrua në kryqëzimin e Rrilës, ku rreth orës 03:30 një automjet përplasi për vdekje një këmbësor.
Si pasojë e goditjes, këmbësori humbi jetën, ndërsa identiteti nuk është bërë ende i ditur, edhe pse kanë kaluar 12 orë nga ngjarja.
Lidhur me ngjarjen është arrestuar shoferi 46-vjeçar i automjetit, i cili pas aksidentit u largua nga vendngjarja.
Hetuesit po vijojnë verifikimet për identifikimin e viktimës dhe për zbardhjen e plotë të rrethanave të aksidentit.
"Shërbimet e Policisë Rrugore, si rezultat i veprimeve të shpejta hetimore dhe policore, identifikuan dhe kapën shtetasin I. M., 46 vjeç, i cili u largua nga vendi i aksidentit (kryqëzimi i Rrilës), ku rreth orës 03:30, përplasi me automjetin që drejtonte, një këmbësor ende të paidentifikuar, i cili si pasojë humbi jetën. Vijojnë verifikimet për të identifikuar shtetasin që humbi jetën, si dhe për të sqaruar rrethanat e aksidentit. Materialet procedurale iu referuan Prokurorisë së Lezhës, për veprime të mëtejshme", njofton policia.
Lini një Përgjigje