FLASH
Shkruar nga Pamfleti
Një 23-vjeçare nga Sukthi ka humbur jetën pasi dyshohet se ka konsumuar fotoksinë në banesën e saj. Ngjarja është regjistruar ditën e djeshme.
Sipas policisë së Durrësit, shtetasja me inicialet F. T. u dërgua fillimisht me urgjencë në spitalin e Durrësit, pasi dyshohej për helmim.
Për shkak të gjendjes së rënduar, ajo u transportua më pas drejt Qendrës Spitalore Universitare “Nënë Tereza” në Tiranë, për trajtim të specializuar. Por, pavarësisht ndërhyrjes dhe përpjekjeve të stafit mjekësor, 23-vjeçarja nuk arriti të mbijetojë.
Materialet procedurale janë referuar në Prokurorinë e Durrësit, e cila pritet të kryejë veprimet e mëtejshme për zbardhjen e plotë të rrethanave të ngjarjes.
Lini një Përgjigje