FLASH
Shkruar nga Pamfleti
Një aksident rrugor ka ndodhur mëngjesin e sotëm në afërsi të fshatit Çiflig të Korçës. Sipas informacioneve paraprake, dy automjete janë përplasur me njëra-tjetrën.
Aksidenti ka ndodhur vetëm pak metra larg kryqëzimit të fshatit Çiflig, ku nga përplasja kanë mbetur të plagosur 5 persona, 3 prej të cilëve të rinj.
Burime të siguruara nga vendi i ngjarjes thanë se njëri nga mjetet e përfshira në aksident ka qenë duke lëvizur nga Maliqi në drejtim të Korçës ndërkohë që mjeti tip "Benz" ku ndodheshin 3 të rinj po qarkullonte në drejtim të kundërt.
Sipas të njëjtit burim, mjeti ku udhëtonin të rinjtë ka kryer një manovër të gabuar duke kaluar pa respektuar sinjalistiken rrugore nga krahu i djathtë në krahun e kundërt, për të hyrë në një biznes në afërsi të aksit nacional.
Kjo lëvizje e papritur ka sjellë dhe përplasjen kokë me kokë të dy mjeteve. Të 5 personat që kanë qenë në të dyja mjetet kanë përfunduar në spitalin e Korçës ku e po marrin ndihmën mjekësore.
Lini një Përgjigje