FLASH
Shkruar nga Pamfleti
Gjykata ka caktuar 30 ditë “arrest në burg” për 38- vjeçarin Olsi Bibollari, i cili dyshohet se më 25 gusht vodhi 15 mijë euro në banesën e një mjeku të QSUT në Tiranë.
Para trupit gjykues në seancën e caktimit të masës së sigurisë në Gjykatën e Tiranës, 38- vjeçari, i cili është edhe pronar i një restoranti dhe aksioner në një bar kafe në Tiranë, ka pretenduar se nuk është autor i vjedhjes së 15 mijë eurove.
I pyetur nga gjykata nëse ka një alibi se ku ka qenë në kohën që dyshohet se është kryer grabitja, Bibollari është shprehur se nuk e mbante mend dhe duhej të kujtohej, por deklaroi se ishte nëpër Tiranë.
Prokuroria ka kërkuar masë arresti për 30 ditë, e cila u pranua nga gjykata. Po ashtu, pritet të bëhet akt-ekspertimi për të mbledhur prova të tjera hetimore që do t'i vijnë në ndihmë për zbardhjen e plotë të ngjarjes.
38-vjeçari Olsi Bibollari u arrestua më 29 gusht nga policia, pasi një mjek i QSUT me të cilin kishte edhe miqësi i ka dhënë 50 mijë euro borxh autorit të vjedhjes, procedurë që e kanë mbyllur me dokumentacion në noteri.
Por, pasi janë takuar doktori ka harruar çelësinë e apartamentit në makinën e Bibollarit, të cilin ky i fundit e ka marrë dhe ka shkuar në shtëpinë e mjekut, në lagjen 'Komuna e Parisit' e ka hapur dhe ka marrë 15 mijë euro.
Lini një Përgjigje