FLASH
Shkruar nga Pamfleti
Unaza e madhe është në inventarin dhe administrimin e ARRSH dhe mirëmbajtja e sinjalistës është detyrim kontraktor për 5 vite nga kompanitë që e kanë ndërtuar sipas loteve…
Në mbledhjen e kësaj jave të Këshillit Bashkiak të Tiranës, kryetarja e komanduar, Anuela Ristani, humbi plotësisht qetësinë kur edhe këshilltarë të PS-së, i kërkuan sqarime për situatën e mos pastrimit në disa zona të kryeqytetit.
Por Anuela është shumë e qetë dhe “mjeshtre”, për të sajuar tenderë me taksat e qytetarëve, duke i maskuar pas ndërmarrjeve në vartësi të saj, për shërbime në objekte e sektorë që nuk i ka në administrim dhe detyrim financimi Bashkia e Tiranës.
Në Buletinin e Prokurimeve Publike të datës 11 maj 2026, zv/kryetarja që po kryen detyrën e kryetarit të Bashkisë së Tiranës, ka shpallur një tender me vlerë 72 milionë lekë me TVSH, për mirëmbajten e sinjalistikës në Unazën e Madhe, nëpërmjet Ndërmarrjes së Rugëve e Ndriçimit Publik.
Fakti, që Unaza e Madhe nuk është në administrim dhe në inventar të Bashkisë së Tiranës, por në administrim dhe ende në inventar të Autoritetit Rrugor sepse nuk e ka dorëzuar akoma, krijon dyshime për tender fiktiv e të sajuar për të përlarë milionat që janë hedhur.
Përveçse, Unazën e Madhe e ka në administrim Autoriteti Rrugor, mirëmbajtja e saj si rrugë dhe sinjalistikë, është detyrim kontraktor për 5 vite garanci, nga kompanitë që e kanë ndërtuar sipas Loteve.
Afati i mirëmbajtjes së sinjalistikës për 27 kilometër gjatësi të unazës, do jetë për 2 vite, me kosto 26.7 milionë lekë për kilometër; shpenzim i mbivendosur që e kanë detyrim kompanitë ndërtuese, për 5 vite pasi t’ia kenë dorëzuar Autoritetit Rrugor./Pamfleti
Rrgulloni rrugen sekondare,se eshte nje katastrofe dhe lerini ato,qe nuk ju perkasin.E keni lene Tiranen per faqe te zeze.TURP
Do jete ne shtete jo ne private te hape vende pune ne shtete te hiqtecfirma private ne ndertimi ne bujwesi ndermarje prodhimi bukes