FLASH
Shkruar nga Pamfleti
Një i ri rreth të 20-ave u qëllua për vdekje nga agjentët e Shërbimit Sekret, pasi hyri pa autorizim brenda rezidencës së presidentit Donald Trump, duke mbajtur në dorë një armë dhe një bidon me benzinë.
Identiteti i burrit që u qëllua nuk është bërë i ditur ende. Autoritetet thanë se fillimisht do të njoftohet familja e viktimës dhe më pas identiteti i tij mund të bëhet i ditur.
Aktuaisht dihet se i dyshuari ishte rreth të 20-ave dhe se jetonte në Karolinën e Veriut. Ai u raportua i zhdukur disa ditë më parë nga familja e tij. Hetuesit besojnë se ai u largua nga Karolina e Veriut dhe u nis për në jug, duke marrë një pushkë gjatë rrugës, për tu drejtuar më pas në rezidencën Mar-a-Lago.
Kutia që mbate armën u gjet në automjetin e tij. Burri kaloi me makinë nëpër portën veriore të Mar-a-Lago ndërsa një automjet tjetër po dilte, dhe u përball me agjentë të Shërbimit Sekret dhe u qëllua për vdekje. Hetuesit po punojnë tani për të përpiluar një profil psikologjik dhe për të zbuluar një motiv, pasi ai nuk rezulton të ketë rekord kriminal të mëparshëm.
Lini një Përgjigje