FLASH
Shkruar nga Pamfleti
Zëdhënësi i Ministrisë së Jashtme të Iranit, Esmail Baghai, deklaroi se mes Teheranit dhe Uashingtonit po vihet re një “tendencë afrimi” në bisedimet që synojnë përfundimin e luftës në Lindjen e Mesme.
Në një intervistë për televizionin shtetëror iranian IRIB, ai tha se pas disa javësh negociatash dypalëshe, palët kanë hyrë në fazën e finalizimit të një protokolli mirëkuptimi.
“Pas disa javësh negociatash dypalëshe, po shohim një tendencë afrimi”, deklaroi Baghai.
Sipas tij, Irani synon fillimisht hartimin e një memorandumi marrëveshjeje që do të përbëhet nga 14 pika dhe që do të shërbejë si bazë për përfundimin e konfliktit në rajon.
“Aktualisht ndodhemi në fazën e finalizimit të këtyre memorandumeve të mirëkuptimit”, shtoi ai.
Zyrtari iranian komentoi edhe çështjen e Ngushticës së Hormuzit, një nga rrugët detare më strategjike për tregtinë globale të naftës. Ai theksoi se çdo mekanizëm që lidhet me këtë korridor detar duhet të dakordësohet vetëm mes Iranit, Omanit dhe vendeve që kufizohen me të.
Sipas Baghait, SHBA-të “nuk kanë asnjë lidhje” me këtë proces.
Lini një Përgjigje