FLASH
Shkruar nga Pamfleti
Armëpushimi u refuzua vetëm nga Shtetet e Bashkuara që votuan kundra. A ka drejtësi për këtë? Çfarë të themi, një botë e drejtë është e mundur, por jo e mundur me Amerikën.
Presidenti turk Recep Tayyip Erdoğan foli sot në Programin e Ditës Botërore të të Drejtave të Njeriut. Ai u shpreh se sulmet kundër myslimanëve janë shtuar dhe armiqësia ndaj Islamit e ka kapluar Perëndimin si dredhkë helmuese.
Sipas tij njerëzimi nuk mund të arrijë gjëkundi me këtë OKB. Erdogan shprehet se një botë e drejtë është e mundur, por jo me Amerikën.
“Të nderuar të ftuar, ju përshëndes me respekt. Shpresoj që Dita Botërore e të Drejtave të Njeriut të jetë e dobishme për mbarë njerëzimin. Dëshiroj të falënderoj të gjitha organizatat që kontribuan në programin Face of Humanity. Deklarata universale e të drejtave të njeriut është aktive për 75 vjet. Ne e shohim atë si një nga gurët e themelit të luftës së njerëzimit për një jetë të nderuar.
Për herë të parë dje vendosën sanksione penale për sulmet ndaj librave të shenjtë në Danimarkë.
Por vendi ku po shtypet qartë Deklarata e të Drejtave të Njeriut është Gaza. Më shumë se 18 mijë vëllezër tanë të Gazës ranë dëshmorë. Dy në çdo tre palestinezë të vrarë brutalisht nga Izraeli janë gra ose fëmijë.
Të gjitha vendbanimet civile po bombardohen në mënyrë të egër nga Izraeli. Izraeli ka dënuar miliona njerëz me uri dhe vdekje. Në Gaza masakrohet gjithçka që lidhet me njerëzimin.
Armëpushimi u refuzua vetëm nga Shtetet e Bashkuara që votuan kundra. A ka drejtësi për këtë? Çfarë të themi, një botë e drejtë është e mundur, por jo e mundur me Amerikën. SHBA qëndron përkrah Izraelit. Hej SHBA, si do të jepni llogari për këtë?”, tha Erdogan. /Hürriyet
Lini një Përgjigje