FLASH
Shkruar nga Pamfleti
Të ardhurat bien për shkak të luftës me Iranin
Konflikti me Iranin duket i bllokuar dhe veçanërisht shtetet e Gjirit po rrëshqasin drejt një krize të mundshme financiare dhe ekonomike. Fillimisht lufta, tani përshkallëzimi i bllokadës në Ngushticën e Hormuzit. Vende si Arabia Saudite, Katari, Kuvajti dhe Emiratet e Bashkuara Arabe (EBA) po vuajnë nga ndërprerjet në eksportet e naftës.
Humbjet në të ardhura vlerësohen nga 45 deri në 70 miliardë dollarë që nga fillimi i luftës. Në Emirate, situata godet gjithashtu turizmin: hotelet në metropolin luksoz Dubai janë pjesërisht bosh. Vetëm në muajin mars, sipas të dhënave të platformës së pasurive të paluajtshme “CoStar”, numri i vizitorëve mund të ketë rënë me 830 mijë deri në 1.1 milion.
Normalisht, shtetet e Gjirit sigurojnë të ardhurat në dollarë përmes eksporteve të naftës. Këtu dollari është monedha kryesore, e njohur në këtë sektor si “petrodollar”. Por pikërisht këto të ardhura po bien për shkak të luftës me Iranin. “Tani bëhet fjalë për t’i dhënë sistemit më shumë likuiditet në një situatë të tensionuar”, shpjegon tregtari i Wikifolio-s dhe i lëndëve të para, Torsten Maus.
Eksperti shpjegon mungesën e dollarëve në shtetet e Gjirit
Për Shtetet e Bashkuara bëhet fjalë për stabilitetin e tregjeve financiare. Bessent synon gjithashtu të parandalojë shitjet e detyruara të aseteve amerikane. “Me ndihmën nga Uashingtoni, bankat nuk do të detyrohen të shesin në panik obligacione të Thesarit amerikan vetëm për të siguruar dollarë”, thotë Maus për BILD.
“Kjo masë rrit likuiditetin në sektorin bankar, lehtëson financimin e tregtisë dhe stabilizon importin e mallrave.” Ai e sheh këtë linjë swap më pak si një shpëtim dhe më shumë si një lloj sigurimi likuiditeti.
Trump sinjalizoi mbështetje. “Nëse mund t’i ndihmoj, do ta bëja”, tha ai për kanalin CNBC.
Megjithatë, në aspektin politik kjo është e ndjeshme: veçanërisht demokratët theksojnë kostot e larta të luftës me Iranin për SHBA-në. “Kjo po na kushton tashmë mbi një miliard dollarë në ditë – plus çmime më të larta të benzinës”, kritikoi senatori Chris Van Hollen (67).
Një paketë e mundshme ndihme për shtetet e pasura të Gjirit i jep opozitës më shumë hapësirë për kritika. Gjithashtu rikujtohet se familja e Trump ka lidhje të ngushta biznesi me shtetet e Gjirit, çka ngre dyshime se gatishmëria për ndihmë mund të ndikohet edhe nga këto marrëdhënie.
Trampi qe te le pershtypje jo te mire, po i ben zbor gjithe botes. Se ku do i dale fundi kesaj nje Zot edi.