FLASH
Shkruar nga PamfletiKy vendim i Uashingtonit shihet si një mbështetje e hapur për gjigantët e Silicon Valley, të cilët kanë lobuar fuqishëm kundër asaj që e quajnë “mbirregullim evropian”. Refuzimi i vizave për një ish-zyrtar të lartë të Brukselit pritet të sjellë reagime të ashpra nga Bashkimi Evropian dhe të hapë një kapitull të ri të “luftës tregtare” digjitale mes dy kontinenteve.
Tensionet mbi rregullimin e platformave sociale janë përshkallëzuar në një përplasje të paprecedentë ligjore dhe diplomatice mes Shteteve të Bashkuara dhe zërave kritikë evropianë.
Imran Ahmed, shtetasi britanik dhe kreu i organizatës së njohur “Qendra për Kundërshtimin e Urrejtjes Dixhitale” (CCDH), ka dorëzuar një padi urgjente kundër administratës Trump në një gjykatë të Nju Jorkut. Veprimi vjen pasi Uashingtoni vendosi sanksione dhe ndaloi hyrjen në SHBA për të dhe katër figura të tjera të njohura evropiane.
Frika nga deportimi dhe akuzat për hakmarrje
Në padinë e dorëzuar, Ahmed pretendon se ai tani përballet me rrezikun e “arrestimit jokushtetues, paraburgimit ndëshkues dhe deportimit të menjëhershëm”. Dokumenti ligjor thekson se: “Qeveria federale e ka bërë të qartë se Ahmedi është subjekt i sanksioneve për shkak të punës së OJQ-së që ai themeloi”. Organizata e tij, CCDH, ka qenë një nga kritiket më të forta të politikave të moderimit të përmbajtjes në platformën X (ish-Twitter), që pas blerjes nga Elon Musk, duke denoncuar rritjen e gjuhës së urrejtjes.
Lista e zezë, nga OJQ-të te Thierry Breton
Lëvizja e administratës amerikane nuk është kufizuar vetëm tek Ahmed. Të martën, Departamenti i Shtetit sanksionoi edhe katër figura të tjera kyçe që luftojnë dezinformimin në Evropë:
Thierry Breton: Ish-Komisioneri Evropian për Çështjet Digjitale, arkitekti i ligjeve të ashpra të BE-së për rregullimin e internetit.
Clare Melford: Drejtuese e “Indeksit Global të Dezinformimit” (Britani).
Anna-Lena von Hodenberg & Josephine Ballon: Drejtuese të organizatës gjermane “HateAid”.
Ky veprim shihet si një sinjal i qartë i administratës së re amerikane kundër çdo përpjekjeje ndërkombëtare për të rregulluar apo censuruar platformat e mëdha teknologjike amerikane, nën argumentin e mbrojtjes së lirisë së fjalës.
Në një lëvizje të paprecedentë që shënon një krisje të thellë në marrëdhëniet transatlantike, Shtetet e Bashkuara kanë njoftuar sot vendosjen e sanksioneve ndaj pesë figurave të larta evropiane.
Mes emrave të sanksionuar spikat ish-Komisioneri Evropian për Tregun e Brendshëm, Thierry Breton, të cilit i është ndaluar zyrtarisht hyrja në territorin amerikan.
Departamenti i Shtetit njoftoi mbrëmjen e së martës (23 dhjetor 2025) se këto masa vijnë si përgjigje ndaj rolit aktiv që këta individë kanë luajtur në promovimin e rregullave strikte ndaj sektorit të teknologjisë, të cilat Washingtoni i cilëson si të dëmshme për interesat kombëtare amerikane.
Në deklaratën zyrtare, diplomacia amerikane ka përdorur një gjuhë të ashpër, duke i akuzuar zyrtarët evropianë për politika që kufizojnë lirinë e internetit.
“Veprimet e këtyre individëve për të imponuar rregulla kufizuese ndaj platformave digjitale përbëjnë në thelb censurë dhe janë drejtpërdrejt të dëmshme për interesat ekonomike dhe strategjike të Shteteve të Bashkuara,” thuhet në njoftimin e Departamentit të Shtetit.
Prapavija, përplasja për gjigantët e teknologjisë
Thierry Breton, i njohur si “arkitekti” i Aktit të Shërbimeve Digjitale (DSA) dhe Aktit të Tregjeve Digjitale (DMA) në BE, ka qenë prej kohësh në qendër të kritikave nga elita teknologjike amerikane. Ai ka qenë zëri më i fortë për rregullimin e platformave si X (dikur Twitter), Meta dhe Google, duke kërkuar moderim më të rreptë të përmbajtjes dhe transparencë algoritmike.
Ky vendim i Washingtonit shihet si një mbështetje e hapur për gjigantët e Silicon Valley, të cilët kanë lobuar fuqishëm kundër asaj që e quajnë “mbirregullim evropian”. Refuzimi i vizave për një ish-zyrtar të lartë të Brukselit pritet të sjellë reagime të ashpra nga Bashkimi Evropian dhe të hapë një kapitull të ri të “luftës tregtare” digjitale mes dy kontinenteve.
Duhete return mirw