FLASH
Shkruar nga Pamfleti
Ministria e Mbrojtjes britanike është shprehur se ka një nivel serioz pasaktësie në rrjedhjet e planeve të luftës, në të cilat pretendohet se forcat speciale të Mbretërisë së Bashkuar kanë vepruar në Ukrainë.
Pretendimet janë raportuar gjerësisht pasi dokumentet e klasifikuara ushtarake amerikane dyshohet se u zbuluan dhe u publikuan në internet.
Një zëdhënës i Ministrisë së Mbrojtjes ka paralajmëruar që të mos merren parasysh këto pretendime.
Zëdhënësi tha në një mesazh të postuar në Twitter: “Rrjedhja e raportuar gjerësisht e informacionit të supozuar të klasifikuar të SHBA-së ka treguar një nivel serioz pasaktësie. Lexuesit duhet të jenë të kujdesshëm në lidhje me pranimin e akuzave që kanë potencial për të përhapur dezinformata.”
Disa dokumente amerikane me informacione sekrete janë publikuar nëpër rrjetet sociale duke zbuluar edhe raporte mbi ushtrinë ukrainase. Së fundmi, është zbuluar se në një prej raporteve thuhet se Ukraina nuk ka kapacitetet për të kryer një kundërofensivë kundrejt Rusisë.
Lini një Përgjigje