FLASH
Shkruar nga Pamfleti
Një gazetare amerikane, e identifikuar si Shelly Kettelson, është rrëmbyer në qendër të Bagdadit, sipas informacioneve të raportuara nga një burim i shërbimeve të sigurisë për median irakiane “Shafaq News”.
Sipas të njëjtave burime, forcat e sigurisë në Irak kanë nisur menjëherë operacione kërkimi për gjetjen e saj dhe për sqarimin e rrethanave të ngjarjes.
Rrëmbimi ka ndodhur pranë hotelit “Palestine”, në rrugën Al-Sa’adoun, një zonë e njohur në qendër të kryeqytetit irakian, ku ndodhen shpesh gazetarë dhe personel ndërkombëtar.
Deri tani, autoritetet nuk kanë dhënë detaje të mëtejshme mbi autorët e mundshëm apo motivet e rrëmbimit. Gjithashtu nuk ka informacion zyrtar mbi gjendjen e gazetares.
Ngjarja vjen në një kohë kur situata e sigurisë në Irak mbetet e brishtë në disa zona, pavarësisht përmirësimeve të viteve të fundit, ndërsa rrëmbimet e shtetasve të huaj mbeten një shqetësim i vazhdueshëm për autoritetet.
Lini një Përgjigje