FLASH
Shkruar nga Pamfleti
Shumë familje në Gazën e bllokuar nga forcat ushtarake të Izraelit shkruajnë emrat e fëmijëve të tyre në duar dhe pëllëmbë për t’i bërë më të lehtë gjetjen ose identifikimin e tyre pas sulmeve izraelite.
Shumë banorë të Gazës kanë frikë se nuk do të jenë në gjendje t’i njohin fëmijët nëse ata vdesin në sulme.
Qindra njerëz u vranë dhe u plagosën në një sulm izraelit në Spitalin Baptist al-Ahli më 17 tetor. Zyrtarët thonë se shpesh është e vështirë të përcaktohet identiteti i disa prej të vrarëve në sulm.
Kjo është arsyeja pse shumë banorë shkruajnë emra në pëllëmbët e fëmijëve të tyre në mënyrë që ata të mund të identifikohen lehtësisht në rast se vriten nga sulmet izraelite.
Ahmed Abu es-Seba, 35 vjeç, i cili jeton në Kompleksin Mjekësor Shifa, ka shkruar emrin e tij në pëllëmbët e tij, si dhe emrat e fëmijëve dhe të afërmve të tij.
“Ne shkruajmë emrat tanë në pëllëmbët tona, si dhe emrat e fëmijëve tanë në mënyrë që trupat të mund të identifikohen në rast se aeroplanët izraelitë na bombardojnë”, tha es-Seba.
Ai theksoi se është e vështirë të identifikohen shumë njerëz, veçanërisht fëmijët, të cilët janë vrarë në Gaza.
Children in Palestine’s besieged Gaza enclave are having their names written on their hands to facilitate the identification of their bodies in case they are killed in an Israeli attack pic.twitter.com/C33bhoT16N
— TRT World (@trtworld) October 20, 2023
“Izraeli nuk diferencon dhe bombardon të gjithë”, tha ky palestinez.
Në spitalet e Gazës, çdo orë për dydhjetë ditë, stafi ka parë dhjetëra fëmijë të shpëtuar nga rrënojat. Fytyrat e tyre janë të mbuluara me gjak dhe pluhur. Për të identifikuar urgjentisht këto viktima të reja të transportuara, spitali më i ngarkuar i qytetit, tani përdor një akronim “W.C.N.S.F”, “Fëmija i plagosur pa familje të mbijetuar”.
Duhet theksuar po ashtu se popullata në Gaza është një ndër më të rejat në botë, me gjysmën e popullsisë që bën pjesë në grupmoshën poshtë 18 vjeç.
Pra, nga 2.3 milionë palestinezë në Gaza, rreth 1.15 milionë janë fëmijë ose adoleshentë.
Dhe lufta, pikërisht ata, po i prek më shumë se të gjithë.
Në disa institucione, si spitali Nasser në Khan Younes, i dyti më i madh në Gaza, fëmijët nën tre vjeç zënë kryesisht dhomat e kujdesit intensiv, të mbushura me viktima të bombardimeve izraelite.
Lini një Përgjigje