FLASH
Shkruar nga Pamfleti
Ministri Darko Glisic, i cili ishte i ftuar në programin e mëngjesit të Televizionit Pink, pësoi një goditje në tru, teksa ndodhej në studion e emisionit.
Gjendja shëndetësore e ministrit serb paraqitet e rëndë, njoftojnë mediat në Serbi.
Ministri i Investimeve Publike Darko Glisic nuk mundi ta përfundonte paraqitjen e tij si i ftuar, kështu që programi u ndërpre.
Sipas mediave të Beogradit, Darko Glisic është dërguar në spital, ku ka mbërritur edhe Presidenti Vučić. Glisic konsiderohet si bashkëpunëtori më besnik dhe më i ngushtë i Presidentit Vučić.
Glisic është president i IO SNS dhe një nga themeluesit e kësaj partie.
Ministri i Shëndetësisë Zlatibor Lončar duke folur nga Qendra Klinike e Serbisë zbuloi se ministri Glisic është në një gjendje shumë të rëndë.
“ Ai u sëmur gjatë emisionit televiziv, e sollën pa ndjenja, diagnostikimi është në proces , përfshihet edhe terapia. Çfarë mund të bëjë ilaçi do të bëhet, të gjithë jemi të shqetësuar, presidenti ka qenë atje që nga minuta e parë, e gjithë kjo na ka prekur, por shpresojmë për suksesin e terapisë dhe masat që janë marrë dhe do të merren, ajo që dihet tani është se ai është në një gjendje të rëndë. Ajo që është e rëndësishme është që ai erdhi në kohë nga ngjarja, pra goditja në tru, orët e para janë vendimtare”, tha Lonçar.
Nga raportimet mësohet se operacioni të cilit iu nënshtrua ministri Glisic ka përfunduar dhe se 24 orët e ardhshme janë vendimtare për gjendjen e tij.
Lini një Përgjigje