FLASH
Shkruar nga Pamfleti
Përkeqësohet gjendja e Papës
Gjendja shëndetësore e Papa Françeskut është përkeqësuar gjatë ditës së sotme, pasi Ati i Shenjtë ka pësuar një krizë astmatike.
Sipas një njoftimi nga Vatikani, Papa Françesku ndodhet në gjendje kritike ndërsa sot është dashur t’i vendosen edhe aparaturat e oksigjenit.
Siç raporton agjencia e lajmeve Ansa, analizat e sotme të gjakut treguan gjithashtu një mungesë të trombociteve, e lidhur me aneminë, e cila kërkonte dhënien e transfuzionit të gjakut. Papa rreth 88-vjeç, u shtrua në spital për më shumë se një javë pas pneumonisë.
“Gjendja e Atit të Shenjtë vazhdon të jetë kritike. Papa nuk ndodhet jashtë rrezikut. Këtë mëngjes Papa Françesku pësoi një krizë të zgjatur të frymëmarrjes astmatike, e cila kërkonte edhe aplikimin e oksigjenit me fluks të lartë”, njofton Vatikani.
Në deklaratë thuhet se për shkak të situatës nuk mund të bëhet me siguri një prognozë mjekësore për ecurinë e sëmundjeve që po përjeton Papa. Sipas mjekëve, jeta e tij vijon të jetë në rrezik.
Lini një Përgjigje