FLASH
Shkruar nga Pamfleti
Në bisedën telefonike me presidentin amerikan, Donald Trump, presidenti turk, Recep Tayyip Erdogan diskutoi marrëdhëniet dypalëshe midis Turqisë dhe SHBA-së, si dhe çështje rajonale dhe globale.
Erdogan i shprehu presidentit amerikan besimin e plotë se si dy vende aleate, Turqia dhe SHBA-ja do të avancojnë bashkëpunimin e tyre në periudhën e re me një frymë solidariteti, me fokus rezultatin dhe me sinqeritet.
Sipas njoftimit të Presidencës, presidenti turk ka diskutuar çështjen e sanksioneve amerikane CAATSA ndaj Turqisë. Ai ka bërë thirrje për përfundimin e procesit të prokurimit të F-16 dhe rikthimin e pjesëmarrjes së Turqisë në programin F-35, për të forcuar bashkëpunimin në industrinë e mbrojtjes.
Presidenti Erdogan theksoi gjithashtu se është e rëndësishme të kontribuojnë së bashku për rivendosjen e stabilitetit në Siri, funksionimin e administratës së re dhe heqjen e sanksioneve kundër Sirisë për normalizim.
Erdogan tha gjithashtu se zhvillimet rajonale dhe globale e bëjnë të nevojshme intensifikimin e konsultimeve midis Turqisë dhe SHBA-së për të gjitha çështjet.
Ai vuri në dukje se Turqia mbështet fuqishëm hapat e menjëhershëm të ndërmarra nga presidenti Trump për t’i dhënë fund luftës midis Rusisë dhe Ukrainës, ndërsa shtoi se Turqia, që nga fillimi i konfliktit, ka punuar për një paqe të drejtë dhe të qëndrueshme dhe siguroi se vazhdojë ta bëjë këtë.
Lini një Përgjigje