FLASH
Shkruar nga Pamfleti
Kryeministri i Maqedonisë së Veriut, Hristijan Mickoski, ka reaguar pas përfundimit të raundit të parë të zgjedhjeve lokale të mbajtura të dielën në vend, duke shprehur bindjen për një fitore të thellë të partisë së tij.
Në një deklaratë për mediat pas votimit në komunën e Karposhit, Mickoski tha se procesi zgjedhor është zhvilluar në mënyrë të qetë dhe dinjitoze, në përputhje me sjelljen qytetare të votuesve maqedonas.
“Pres që të përfundojë në të njëjtën mënyrë dhe që rezultatet të shënojnë një tjetër fitore historike për VMRO-DPMNE-në dhe koalicionin,” u shpreh ai.
Kryeministri vlerësoi angazhimin qytetar dhe theksoi rëndësinë e këtij procesi për demokracinë në vend.
Lini një Përgjigje