FLASH
Shkruar nga Pamfleti
Drejtori i FBI-së, Christopher Wray ka deklaruar se shumë organizata të huaja terroriste kanë bërë thirrje për sulme kundër Perëndimit dhe Amerikës që nga fillimi i konfliktit, në Gaza.
Wray tha se sulmet e Hamasit do të frymëzojnë kërcënimin më të rëndësishëm terrorist për SHBA-në që nga ngritja e ISIS gati një dekadë më parë, shkruan Sky News.
“Veprimet e Hamasit dhe aleatëve të tij do të shërbejnë si një frymëzim, të cilin ne nuk e kemi parë që kur ISIS filloi të ashtuquajturin kalifat disa vite më parë”, tha zoti Wray.
Numri i sulmeve ndaj bazave ushtarake amerikane jashtë shtetit nga grupet e milicisë të mbështetur nga Irani është rritur këtë muaj, shtoi ai.
Wray tha gjithashtu se sulmet kibernetike kundër SHBA nga Irani dhe aktorët jo shtetërore ka të ngjarë të përkeqësohen nëse konflikti zgjerohet. Misioni i Iranit në OKB nuk iu përgjigj menjëherë një kërkese për koment.
Lini një Përgjigje