FLASH
Shkruar nga Pamfleti
Një shpërthim i madh ka ndodhur në kampin e refugjatëve Jabalia në veri të Gazës, ku thuhet se kanë mbetur të vrarë dhjetëra persona. Zyrtarët e Hamasit kanë fajësuar Izraelin për sulmin, por ky i fundit ka refuzuar të flasë për ngjarjen.
Lajmin e konfiromi edhe drejtori i Spitalit Indonezian në Gaza, i cili deklaroi për 'Sky News' se qindra njerëz janë plagosur dhe vrarë pas një shpërthimi në kampin e refugjatëve Jabaliya në veri të rajonit.
Ministria e brendshme e enklavës e drejtuar nga Hamasi tha se një numër i sulmeve ajrore izraelite goditën blloqe apartamentesh në një zonë banimi të kampit. Zëdhënësi i ministrisë Ayed al Bazm tha se gjashtë bomba goditën zonën.
Agjencia franceze e lajmeve AFP ishte në vendngjarje në Jabalia pas shpërthimit në kampin e mbushur me refugjatë. Agjencia deklaroi se pamjet nga vendi i ngjarjes tregojnë të paktën 47 trupa të nxjerrë nga rrënojat.
Ndërkohë që Ragheb Aqal, një banor i zonës tha se shpërthimi u ndje si një tërmet që tronditi zonën. Fotot e regjistruara nga një fotograf i Reuters në vendngjarje tregojnë ndërtesa të rrafshuara dhe trupa që po nxirren nga rrënojat.
I vendosur në veri të qytetit të Gazës, kampi Jabalia është më i madhi nga tetë kampet e refugjatëve të Gazës. Më shumë se 116,000 refugjatë palestinezë u regjistruan atje nga OKB që nga korriku 2023.
Refugjatët filluan të vendoseshin në kamp pas luftës së vitit 1948. Ajo është një zonë e vogël por me popullsi të dendur, që mbulon vetëm 1.4 km katrore dhe përbëhet kryesisht nga ndërtesa banimi.
Lini një Përgjigje