FLASH
Shkruar nga Pamfleti
Krim në familje në Shkodër, burri vret me armë bashkëshorten e tij. Arrestohet nga policia.
Një ngjarje e rëndë ka tronditur Shkodrën. Raportohet se një grua është vrarë nga bashkëshorti i saj, ndërsa ngjarja ka ndodhur paraditen e sotme në zonën e Unazës Perëndimore të qyteti, në lagjen “Mark Lula”.
Viktima është 54-vjeçarja Bardhe Ziçi, e cila dyshohet se u qëllua për vdekje me çifte në derën e banesës nga bashkëshorti i saj, 64-vjeçari Shtjefën Ziçi.
Sipas informacioneve paraprake, autori i dyshuar është arrestuar menjëherë nga focat e policisë, të cilët ndërhynë menjëherë pas marrjes së njoftimit për krimin.
Grupi hetimor ndodhet në vendngjarje dhe po kryen veprimet procedurale për zbardhjen e plotë të rrethanave dhe motiveve që çuan në vrasjen e gruas.
"Rreth orës 13:30, në lagjen “Mark Lula”, dyshohet se për motive të dobëta, shtetasi Sh. Z., 62 vjeç, ka vrarë me armë zjarri, bashkëshorten e tij, shtetasen B. Z., rreth 55 vjeçe.
Shërbimet e Policisë kanë shkuar menjëherë në vendngjarje dhe kanë kapur autorin e dyshuar, shtetasin Sh. Z., i cili u shoqërua në Komisariat, për kryerjen e veprimeve procedurale.
Gjithashtu, shërbimet e Policisë kanë sekuestruar armën e zjarrit me të cilën dyshohet se është kryer krimi", njoftoi policia.
Lini një Përgjigje