FLASH
Shkruar nga Pamfleti
Kremlini ka kritikuar SHBA-në dhe Izraelin për nisjen e luftës, ndërsa paralajmëron botën për pasojat e konfliktit.
Dmitry Peskov, zëdhënësi i Vladimir Putin, i pyetur për postimin e Donald Trump në Truth Social në të cilin ai u betua dhe kërcënoi me përshkallëzim të ri, nëse Irani nuk e rihap Ngushticën e Hormuzit deri në orën 1 të mëngjesit sipas kohës së Mbretërisë së Bashkuar të mërkurën.
"Vërejmë se niveli i tensionit në rajon po rritet dhe vazhdon të rritet.Në fakt, i gjithë rajoni është në flakë. Këto janë të gjitha pasoja shumë të rrezikshme dhe negative të agresionit që u lëshua kundër Iranit.", u tha Peskov gazetarëve në Moskë.
Peskov paralajmëroi gjithashtu për zgjerimin e shtrirjes gjeografike të luftimeve dhe pasojat e tyre.
"Gjeografia e këtij konflikti është zgjeruar dhe tani të gjithë jemi të vetëdijshëm për pasojat që kemi, duke përfshirë pasoja shumë, shumë negative për ekonominë globale", tha ai.
Putini ka dënuar sulmet nga SHBA-të dhe Izraeli, me presidentin rus që e quajti sulmin që vrau udhëheqësin suprem të Iranit në fillim të luftës një "vrasje cinike", por ka pasur pak shenja të ndërhyrjeve aktuale në mbështetje të aleatit të Moskës.
Ka pasur raportime se Irani ka marrë informacione nga Kremlini rreth lëvizjeve të trupave amerikane dhe izraelite, por shumë analistë kanë thënë se aftësia e Teheranit për të vepruar mbi këtë mund të jetë e kufizuar.
Lufta në Ukrainë është gjithashtu një faktor, Putini mund të ngurrojë të zemërojë Donald Trumpin, i cili ka ndjekur një qëndrim shumë më të butë ndaj Moskës në përpjekjet e tij për t'i dhënë fund asaj lufte.
Dhe heshtja mund të ndihmojë edhe financat e Rusisë.
SHBA-të hoqën sanksionet mbi disa shitje të naftës ruse për shkak të rritjes së çmimeve globale të energjisë, të cilat janë rritur nga mbyllja efektive e Teheranit të Ngushticës jetike të Hormuzit (ngushtica trajton një të pestën e tranzitit global të naftës dhe gazit natyror të lëngshëm).
Kërcënimi i Trump
Presidenti amerikan Donald Trump ka kërcënuar dje Iranin që të hapë Ngushticën e Hormuzit, duke shtuar se në të kundërt, SHBA-ja do të dërgojë ferrin në Iran.
Me anë të një postimi në rrjetin “TruthSocial”, me një gjuhë tepër vulgare Trump i quajti drejtuesit iraninë, kopilë të çmendur, dhe paralajmëroi se sulme si ai ndaj urës dhe termocentralit do të jenë më të fuqishme në ditët në vijim.
Në fundi ai e mbylli postimin e tij me shprehjen e shumpërdorur nga myslimanët në mbarë botën; “Falenderimi i takon Allahut”.
“E marta do të jetë Dita e Termocentralit dhe Dita e Urës, të gjitha të mbështjella në një, në Iran. Nuk do të ketë asgjë si kjo!!! Hapni Ngushticën e Mallkuar, ju kopilë të çmendur, ose do të jetoni në Ferr - VETËM SHIKONI! Falënderimi i takon Allahut. Presidenti DONALD J. TRUMP”, shkroi Trump.
Lini një Përgjigje