FLASH
Shkruar nga Pamfleti
Këshilli i Sigurimit i Kombeve të Bashkuara po zhvillon një mbledhje urgjente për të shqyrtuar përshkallëzimin e situatës në Liban, pas zgjerimit të operacioneve ushtarake izraelite dhe marrjes nën kontroll të Kështjellës historike Beaufort nga Forcat e Mbrojtjes së Izraelit (IDF).
Sipas burimeve diplomatike të cituara nga AFP, kërkesa për mbledhjen emergjente është paraqitur nga Franca, mes shqetësimeve në rritje për destabilizimin e mëtejshëm të rajonit.
Seanca po zhvillohet menjëherë pas një tjetër takimi urgjent të Këshillit të Sigurimit, i cili ishte fokusuar në incidentin e rrëzimit të një droni rus mbi një ndërtesë banimi në Rumani.
Tensionet në kufirin Izrael-Liban janë rritur ndjeshëm ditët e fundit, ndërsa ushtria izraelite ka intensifikuar operacionet në jug të Libanit. Autoritetet në Tel Aviv kanë konfirmuar marrjen e Kështjellës Beaufort, një pikë me rëndësi të veçantë strategjike, duke e konsideruar atë një sukses të rëndësishëm në operacionet kundër grupit Hezbollah.
"Marrja e Kështjellës Beaufort është një hap i rëndësishëm në operacionet kundër Hezbollahut. Tensionet po përshkallëzohen në jug të Libanit, ndërsa Këshilli i Sigurimit po shqyrton zhvillimet më të fundit pas zgjerimit të operacioneve izraelite", thanë burime diplomatike për AFP.
Zhvillimet e fundit kanë shtuar shqetësimet ndërkombëtare për mundësinë e zgjerimit të konfliktit në rajon, ndërsa pritet që Këshilli i Sigurimit të diskutojë hapat e mëtejshëm për uljen e tensioneve dhe shmangien e një përshkallëzimi më të gjerë ushtarak.
Jane ne mendje keta te OKBse!? Izraeli ka pushtuar Keshtjellen e Bardhe, Keshtjellen e OKB e nuk pyet te marre cdo keshtjelle qe i teket.