FLASH
Shkruar nga Pamfleti
Presidenti i Ukrainës, Volodimir Zelensky, ka bërë thirrje për shtimin e presionit ndaj Rusisë pas sulmeve të fundit në qytetin e Dnieprit, duke theksuar se agresioni rus mund të ndalet vetëm përmes masave të përbashkëta ndërkombëtare.
Në një postim në platformën X, Zelensky deklaroi se pasojat e sulmit janë të rënda dhe kërkoi vendosjen e sanksioneve të mëtejshme ndaj Moskës.
“Sulmet ruse mund të ndalen vetëm përmes sanksioneve të përbashkëta të Ukrainës dhe partnerëve tanë”, u shpreh Zelensky.
Sipas presidentit ukrainas, dëmet e shkaktuara nga sulmi në Dniepër janë të konsiderueshme, ndërsa autoritetet po vijojnë përpjekjet për t'u përballur me situatën në terren.
Ndërkohë, Njësitë e Shërbimit Shtetëror të Emergjencave (DSNS) janë angazhuar në operacionet e shpëtimit dhe menaxhimin e pasojave. Rreth 70 ekipe shpëtimi, 40 efektivë policie dhe afro 30 mjete teknike po punojnë në zonat e prekura për të ndihmuar banorët dhe për të vlerësuar dëmet.
Sulmi i fundit vjen në një kohë kur luftimet mes Ukrainës dhe Rusisë vijojnë pa shenja zbutjeje, ndërsa Kievi vazhdon të kërkojë mbështetje më të madhe nga aleatët perëndimorë.
Lini një Përgjigje