FLASH
Shkruar nga Pamfleti
Ushtria izraelite ka kryer një valë sulmesh ajrore ndaj kapaciteteve të forcave ajrore iraniane gjatë natës, duke synuar mjete të ndryshme ajrore në disa aeroporte.
Sipas një njoftimi të publikuar në Telegram, dhjetëra avionë luftarakë izraelitë goditën avionë dhe helikopterë në tre aeroporte në Teheran.
Në mesin e objektivave ishte edhe Aeroporti Mehrabad, i cili, sipas IDF-së, përdorej për transportimin e armëve dhe fondeve drejt grupeve aleate të Iranit në rajonin e Lindjes së Mesme.
Operacionet u shtrinë gjithashtu në Aeroportin Bahram dhe Azmayesh, pa u dhënë detaje të mëtejshme mbi dëmet apo viktimat.
Pamjet e publikuara nga ushtria izraelite tregojnë goditje ndaj avionëve të palëvizshëm në pistë, duke sugjeruar një fokus në neutralizimin e kapaciteteve ajrore të Iranit.
Lini një Përgjigje