FLASH
Shkruar nga Pamfleti
SHBA dhe Evropa janë në mëshirën e motit të keq. Të paktën 83 persona kanë vdekur këtë javë për shkak të motit të ashpër që goditi Shtetet e Bashkuara.
Departamenti i Shëndetësisë në Tenesi ka konfirmuar 19 vdekje të lidhura me motin, dhe zyrtarët e Oregon kanë konfirmuar gjithashtu 16 persona, duke përfshirë tre të rritur që vdiqën kur një pemë ra në makinën e tyre.
Shumica e vdekjeve u raportuan në Illinois, Pensilvani, Misisipi, Uashington, Kentaki, Wisconsin, Nju Jork dhe Nju Xhersi.
Disa vdekje mbeten nën hetim për të konfirmuar nëse janë të lidhura me motin. Ato përfshijnë një person të vrarë në një aksident në Kentaki dhe katër vdekje në Illinois, dy prej të cilave u shkaktuan nga një aksident me një automjet.
Moti i rrezikshëm vazhdon në të gjithë Shtetet e Bashkuara deri në fundjavë. Dhjetëra miliona njerëz u zgjuan të shtunën në mëngjes me temperatura nën mesataren, ndërsa gjysma lindore e vendit ka të ngjarë të përjetojë motin më të ftohtë të sezonit, erëra të forta dhe Florida e Veriut është paralajmëruar për reshje intensive dëbore.
Autoritetet dhe ekspertët po paralajmërojnë banorët dhe rekomandojnë "të veshin rroba të trasha nëse duhet të dalin jashtë, të kenë kujdes kur përdorin pajisje si ngrohësit dhe të shikojnë për simptoma serioze si hipotermia".
Në Bregun Perëndimor, Oregon mbetet në gjendje të jashtëzakonshme pasi stuhitë vdekjeprurëse të akullit goditën rajonin, duke lënë më shumë se 45,000 pa energji elektrike. Ndërprerje të tjera të energjisë elektrike janë raportuar në Pensilvani, Kaliforni, Nju Meksiko dhe Indiana.
Sipas Euronews, Evropa Jugore, nga perëndimi në lindje, po goditet nga stuhi të forta bore.
Në Spanjë, disa autostrada kryesore u mbyllën pasi disa provinca, duke përfshirë Soria, Segovia, Zaragoza dhe Guadalajara, u gjendën në vazhdën e uraganit Juan.
Ai solli temperatura të ulëta dhe reshje të dendura bore që lanë gjysmën e vendit në gatishmëri.
Në Austrinë jugore, stuhia u parapri nga reshjet e shiut, të cilat i bënë rrugët të rrëshqiteshin dhe shkaktuan kaos në trafik.
Në Greqi gjithashtu është raportuar për reshje intensive dëbore ku dhe është bllokuar transporti në disa akse kryesore të vendit.
Gjithashtu situata serioze është edhe në Shqipëri, ku vendi ynë gjatë ditës së sotme është paralizuar nga reshjet e dëborës. Në akse të ndryshme të vendit është raportuar për probleme me qarkullimin dhe me energjinë elektrike në disa fshatra të vendit.
Lini një Përgjigje