FLASH
Shkruar nga Pamfleti
Raportimet fillestare sugjerojnë se nyja e eksportit të naftës në ishull është goditur, me pasoja të mundshme për rrjedhën e naftës bruto në rajon
Shtetet e Bashkuara kryen sulme ndaj objektivave ushtarake në ishullin Kharg të Iranit, sipas agjencisë së lajmeve Axios, e cila citon një zyrtar të lartë amerikan.
Agjencia iraniane e lajmeve Mehr raportoi se një shpërthim i madh ndodhi në ishull, i cili ndodhet në Ngushticën e Hormuzit dhe përbën qendrën kryesore energjetike të Iranit, disa orë para skadimit të afatit të ultimatumit të Donald Trump drejtuar Teheranit për të hapur Ngushticën e Hormuzit.
Sipas një postimi të agjencisë në Telegram, “armiku amerikano-sionist kreu disa sulme në ishullin Kharg, ndërsa u dëgjuan edhe disa shpërthime”.
Raportimet fillestare duket se tregojnë se nyja e eksportit të naftës në ishull është goditur nga sulmet, gjë që mund të paralizojë rrjedhën e naftës bruto drejt rajonit.
Ishulli Kharg ndodhet në Gjirin Persik, rreth 30 kilometra larg bregdetit të Iranit, ka një sipërfaqe prej rreth 20 kilometrash katrorë dhe përbën nyjën kryesore të naftës për Iranin. Në ishull ndodhen terminale nafte, depozita, centrale energjetike dhe njësi desalinizimi. Ai është terminali kryesor i eksportit të vendit prej dekadash, dhe eksportet përmes Kharg janë jetike për regjimin e Teheranit, veçanërisht drejt Kinës.
Lini një Përgjigje